Биһиэхэ эрийиҥ:
приемнай
43-82-44
атыы-эргиэн салаата
43-82-41
9:00
18:00
clock.png
ПН ВТ СР ЧТ ПТ
СБ ВС      
 
 г.ЯКУТСК , ул.ЧИРЯЕВА, 5/1

12 апреля 2017
ООО «Строймонтаж-2002» ХЭТ ханнык баҕарар объектары талбыт усулуобуйаҕар тутар!

Уһук Илин, чуолаан Саха сиригэр оҥорон таһаарыы рыногын сайдыыта кэккэ ыарахаттары көрсөр. Ити аҥардас кризистэн эрэ буолбатах. Биһиги региоммутугар уустук боппуруос олус элбэх. Ол боппуруостары быһаарарга рынокка өр сыл үлэлээбит, техническэй уонна кадровай потенциаллаах, хоту сирдэргэ үлэ опыттаах хампаанньалар көмөрө олус наада. Биир оннук хампаанньанан —«Строймонтаж-2002» ХЭТ буолар. Биһиги хаһыаппыт тэрилтэ генеральнай директора, опыттаах производственник уонна салайааччы Роман Владимирович ПРИХОДЬКОНЫ кытта интервьюлары бэчээттээн турардаах. Ол интервьюларга ити проблемалары тула кэпсэтиилэр барбыттара. Быйылгы сылга «Строймонтаж-2002» ХЭТ төрүттэммитэ 15 сылын бэлиэтиир. Оттон производственникка ханнык баҕарар төгүрүк дата — тэҥнээн көрөргө уонна түмүк оҥорорго саамай тоҕоостоох кэм. Ол иһин биһиги бүгүн «Строймонтаж-2002» ХЭТ кэнники 15 сыл тугу үлэлээбитин-хамсаабытын билиһиннэриэхпит.

Хайдах саҕаламмытай

Ол курдук 2002 сыллаахха Роман ПРИХОДЬКО биир санаалаахтарын түмэн «Строймонтаж-2002» ХЭТ хампаанньаны тэрийбитэ. Кини бэйэтэ уонна ыкса үлэлэһэр сотрудниктара оччолорго номнуо тутуу эйгэтигэр дьоһун опыттаах дьон этилэр. Ол иһин идэлэрин толору баһылаабыттарынан эрэ муҥурдаммакка, уустук климаттаах уонна айылҕа усулуобуйалаах Саха Республикатыгар дьиэлэри хайдах тутары билэллэрэ. Ирбэт тоҥ диэн кинилэргэ күннээҕи көстүү курдук этэ. Тутуу сезона кылгаһыгар, суол-иис мөлтөҕөр, ону таһынан регион элбэх уратыларыгар үөрүйэхтэрэ. Бу хампаанньа 15 сыллаах историятын устата мунньуллубут опыт «Строймонтаж-2002» ХЭТ билигин даҕаны ханнык баҕарар соруктары үрдүк хаачыстыбалаахтык уонна чопчу ыйыллыбыт сроктарга оҥороругар көмөлөһөр. Куорат историческай көстүүтэ. Оттон билигин чопчу «Строймонтаж-2002» ХЭТ туппут объекатрыгар тохтуоххайыҥ. Дьокуускай Уһук Илин саамай кырдьаҕас куората буолар. Өссө 1632 сыллаахха Енисей сотнига Петр БЕКЕТОВ этэрээтэ Өлүөнэ өрүс уҥа биэрэгэр остуруок туппута, сотору буолаат куорат Россия империятын Уһук Хоту административнай уонна байыаннай киинигэр кубулуйбута. Өр сыл устата куорат көрүҥэ араастаан уларыйбыта. Ол эрээри чуолаан биһиги эрэ кэммитигэр куорат былыргы архитектурнай уратытын - «изюминкатын» чөлүгэр түһэрэр туһунан быһаарыныы ылыммыттара. Норуокка «Былыргы куорат» диэн ааттанар Дьокуускай историческай чааһын чөлүгэр түһэрэр туһунан кэпсэтиилэр барбыттара. Онно «Кружало» уоона «Индигирка» эргиэн кииннэрэ, «Нуучча-Азиатскай банк» дьиэтэ киирэллэр. Ити былыргылыы мастан тутуллубут объектарга үлэлэри «Строймонтаж-2002» ХЭТ ыыппыта. Билигин ити кэрэ тутуулары көрөн тутааччылар идэлэрин баһылаабыт таһымнарын сыаналыахха сөп. Историческай киин Дьокуускай куорат биир киэн туттар миэстэтэ буолбута да ону туоһулуур. Өссө биир холобур. Уон сэттис үйэ иккис аҥарыгар Дьокуускайга Тыгын башнята тутуллубута, кэлин бу тутуу былыргы зодчество ураты пааматынньыгынан ааттаммыта. Хомойуох иһин, башня бастакы көрүҥүнэн биһиги кэммитигэр тиийбэтэҕэ. Ол эрээри специалистар бу объегы чөлүгэр түһэрбиттэрэ. Манна эмиэ «Строймонтаж-2002» ХЭТ үлэлэспитэ. Билигин Тыгын башнята Дьокуускайы дьоһуннук киэргэтэр. Өссө биир историческай тутуу — САННИКОВ атыыһыт дьиэтэ. Бу дьиэни реконструкциялааһын «Строймонтаж-2002» ХЭТ биир салаатын үлэтин сорҕото буолар. Биллэн турар, историческай тутуулары оҥорон таһаарыыга ураты билии уонна ураты опыт наада. Оттон «Строймонтаж- 2002» ХЭТ хампаанньаҕа — ити күннээҕи үлэлэрэ. Сэттэ сүүс үлэһиттэн хас биирдиилэрэ — дьиҥнээх профессионаллар. Маннык сыанабыл киэргэтэн этии буолбатах. Ити тэрилтэни кытта алтыспыт дьон уопсай санаалара.

Саха сирэ бүттүүн кэриэтэ

Историческай объектары реконструкциялааһын — «Строймонтаж-2002» ХЭТ киэҥ далааһыннаах биографиятын сорҕото эрэ. Ону таһынан тэрилтэ коллектива Дьокуускайга эрэ буолбакка, республика үгүс нэһилиэнньэлээх пууннарыгар үлэлэри ыытар. Ити, бастатан туран, Алдан, Аллайыаха, Эдьигээн, Мирнэй, Ленскэй, Ньурба, Өлүөхүмэ оройуоннара... Испииһэги салҕаан бара туруохха сөп. Биири чуолаан бэлиэтиэххэ сөп – «Строймонтаж-2002» ХЭТ производственнай бырайыактара Саха Республикатын үгүс улууһун территориятыгар олоххо киирэллэр. Республика соҕуруу да өттүгэр — промышленнай кииннэргэ, ону таһынан Уһук Хоту даҕаны — полярнай эргимтэ таһыгар үлэ барар. Онон баай опыт мунньуллунна, үөрүйэх иҥэриллиннэ диэххэ сөп. Маннык опыт Россия атын регионнарыттан бэдэрээтчиттэргэ суоҕа буолуо.

Киэҥ испииһэк

«Строймонтаж-2002» ХЭТ кэнники сылларга туппут сүрүн объектарын ааттаталаатахха маннык:

  • Алдаҥҥа политехникум;
  • Хотугулуу-илиҥҥи федеральнай университет Мирнэйдээҕи филиалын (МПТИ) уопсай дьиэтэ уонна үөрэнэр-лабораторнай корпуһа;
  • Алдан оройуонун Хатыстыыр бөһүөлэгэр176 миэстэллэх оскуола;
  • Өлүөхүмэҕэ Доруобуйа киинин «Б» уонна «В» блоктара (75 койкалаах);
  • Дьокуускайга Федеральнай казначейство салалтатын дьиэтэ;
  • Алдаҥҥа хайыһардьыттары бэлэмниир киин;
  • Ленскэй оройуонун Витим бөһүөлэгэр 240 миэстэлээх детсад;
  • Дьокуускайга ИДьС бөдөҥсүйбүт киинин дьиэтэ;
  • Ленскэй оройуонун Витим бөһүөлэгэр 700 миэстэлээх оскуола;
  • Ньурбаҕа кырдьаҕастар уонна инбэлииттэр интернат-дьиэлэрэ;
  • Мирнэй оройуонун Светлый бөһүөлэгэр ЖКХ специалистарын бэлэмниир техникум дьиэтэ;
  • Мирнэй оройуонун Чернышевскай бөһүөлэгэр кадеттарга интернат-оскуола дьиэтэ;
  • Ленскэй оройуонун Пеледуй бөһүөлэгэр Арктическай технологическай техникум дьиэтэ;
  • Мирнэйгэ «Промзона» котельнайтан 14-с кварталга дылы итиинэн хааччыйар ситим;
  • Ленскэй оройуонун Витим бөһүөлэгэр агропромышленнай комплексы уунан-итиинэн хааччыйар ситим;
  • Орто Халымаҕа Среднеколымскай к. магистральнай ититэр ситим;
  • Ньурбаҕа ититэр ситимнээх котельнай;
  • Дьокуускайга ХИФУ уопсай дьиэтэ;
  • Ленскэй оройуонун Витим бөһүөлэгэр производственнай хааччыллыы базатын (баһаарынай деполаах) дьиэтэ.

«Строймонтаж-2002» ХЭТ туппут бары объектарын аататалаатахха хаһыат сирэйэ тиийиэ суоҕа. Ол эрэн этиэххэ наада — хас биирдии ааттаммыт объект хаачыстыба мэктиэтэ буолар. Сакаасчык өттүттэн хампаанньа коллективыгар биир да үҥсүү киирбэтэҕэ.

Уратыны учуоттаан

Саха сирэ айылҕа ресурсатынан олус баай регион буолар. Ол иһин манна нефть уонна гаас, алмаас уонна кыһыл көмүс хостуур рынок бөдөҥ хампаанньалара үлэлэһэллэр. Онон араас салаа хампаанньалара бэдэрээтчиттэри талыыга эппиэтинэстээхтик сыһыаннаһаллар — Дьокуускайга муостаны туорааһыннаах Пояркова уулуссаны реконструкциялааһын (Дзержинскэй уулуссата — Губина уулусса учаастактара). Дьокуускайга олорор дьиэлэр... Дьэ билигин олорор дьиэлэри тутуу туһанан. Дьокуускайга билиҥҥи кэмҥэ тутуу биирдиилээн буолбакка, бүтүн микрооройуоннарынан ыытыллар. Ити куорат саамай сөптөөхтүк сайдан иһэрин туоһулуур. Бу сайдыы барарыгар чуолаан «Строймонтаж-2002» ХЭТ кыттыыны ылар. Тэрилтэ Республика киин куоратын 31, 43, 45, 53, 64, 84, 86, 93, 94-с кварталларыгар уонна да атын оройуоннарыгар тутууну ыытар. Саамай биллэр-көстөр объектары ааттаталаатахха маннык:

  • Дзержинскэй уулуссатыгар элбэх квартиралаах соцкульбыттаах олорор дьиэ;
  • Өктөөп 50 сыла уулуссаҕа элбэх квартиралаах офистарга анаммыт хостордоох олорор дьиэ;
  • Кальвица уулуссаҕа элбэх квартиралаах олорор дьиэ;
  • 43-с кварталга элбэх квартиралаах общественнай бэрээдэги көрөр харабыллыыр пууннаах олорор дьиэ;
  • 86-с кварталга элбэх квартиралаах олорор дьиэ;
  • Островскай уулуссатыгар элбэх квартиралаах офистарга анаммыт хостордоох олорор дьиэ;
  • Воинская уулуссаҕа элбэх квартиралаах олорор дьиэ;
  • Чиряев уулуссатыгар элбэх квартиралаах олорор дьиэ;
  • 64-с кварталга элбэх квартиралаах олорор дьиэ;
  • «Три сосны» аҕыйах этээстээх олорор комплекс;
  • «Сосновый бор» оҕо сынньанар киинигэр таунхаус…

Ол эрэн биири чопчулаан этэбит — «Строймонтаж-2002» ХЭТ бары объектарын, этэргэ дылы, күлүүскэ дылы — акылаата түһүөҕүттэн олохтоохтор күлүүһүн тутуохтарыгар диэри тутан таһаарар. «Строймонтаж-2002» ХЭТ туппут дьилэригэр квартира атыыласпыт дьон этэллэринэн, бу дьиэлэр олорорго олус табыгастаахтар. Туох даҕаны дарбатан этиитэ суох. Итинтэн киһи соһуйбат, тэрилтэ дьиэ тутарыгар, бэдэрээтчиттэрин таларыгар олус эппиэтинэстээхтик сыһыаннаһар. Ирдэбил олус кытаанах буолар, ол эрэн «Строймонтаж-2002» ХЭТ ити ирдэбиллэргэ толору эппиэттиир. Тэрилтэни кытта уруккуттан үлэлэһэр бөдөҥ хампаанньанан «АЛРОСА» АК буолар. Ити хампаанньаҕа үгүс объект тутуллубутуа, ол иһигэр производственнай эмиэ. Чуолаан, «Мир» рудникка. Манна трансформаторнай подстанциялар, автобаза, авторемонтнай база, геомеханика дьиэтэ онтон да атын элбэх объегы туппуттара. Итиннэ эбии «Строймонтаж- 2002» ХЭТ коллектива Удачнайдааҕы ГОКка өрөмүөннүүр-тутар үлэлэри ыыппыта. «Интернациональнай» рудникка хачайдыыр (нагнетательнай) скважиналарга үлэ ыытыллыбыта. Ону таһынан «АЛРОСА» АК сакааһынан олорор дьиэлэр уонна социальнай объектар тутуллубуттара. Өссө биир холобур — «Алмазы Анабара» ААТ кытта үлэлэһии. Ити хампаанньаҕа «Строймонтаж-2002» ХЭТ күүһүнэн «Верхнее Молодо» учаастакка лабораторнай-байытар комплекс тутуллубута. Ону таһынан хампаанньа «Сургутнефтегаз» курдук бөдөҥ хампаанньаны кытта уһуннук уонна таһаарыылаахтык үлэлэспитин ааттыахха сөп. Уһуннук уонна таһаарыылаахтык диэн анаан чопчулаан этэбит. Ити хампаанньа сакааһынан Дьокуускайга администрация дьиэтэ уонна Витим бөһүөлэккэ производственнай хааччыллыы базата уонна да атын араас объектар тутуллубуттара.

Толору эрэл

Бэлиэтиэххэ наада, «Строймонтаж-2002» ХЭТ чааһынай эрэ сакаасчыктар буолбакка, государственнай сакаасчыктар эмиэ эрэнэллэр. Дьыалабыай партнердар истэригэр — Дьокуускай куорат уокуруктааҕы дьаһалтата, ону таһынан атын муниципальнай тэриллиилэр дьаһалталара. Онуоха эбии —Дьиэ-уот коммунальнай хаһаайыстыбата уонна Республикатааҕы ипотечнай агентство. Уонна, биллэн турар, «Саха Республикатын государственнай сакаасчыгын сулууспата». Итинтэн киһи соһуйбат. Бэдэрээтчит оҥорон таһаарар кыаҕар ким да саарбахтаабат. «Строймонтаж-2002» ХЭТ Дьокуускай куоракка Кыайыы болуоссатын иккис уочарат реконструкциятын оҥотторбуттара мээнэҕэ буолбатах. Ону таһынан Таалай күөлү сатыы туоруур муоста уонна аттынааҕы суоллары эмиэ бэлиэтээн этиэххэ сөп. Өссө бу испииһэккэ эбэбит — Дьокуускайга муостаны туорааһыннаах Пояркова уулуссаны реконструкциялааһын (Дзержинскэй уулуссата — Губина уулусса учаастактара).

Дьокуускайга олорор дьиэлэр

Оттон билигин — олорор дьиэлэри тутуу туһунан. Үөрэтэн көрдөххө, Дьокуускайга билиҥҥи кэмҥэ тутуу биирдиилээн буолбакка, бүтүн микрооройуоннарынан ыытыллар. Ити куорат саамай сөптөөхтүк сайдан иһэрин туоһулуур. Бу сайдыы барарыгар чуолаан «Строймонтаж-2002» ХЭТ кыттыыны ылар. Тэрилтэ Республика киин куоратын 31, 43, 45, 53, 64, 84, 86, 93, 94-с кварталларыгар уонна да атын оройуоннарыгар тутууну ыытар. Биири өссө төгүл бэлиэтиэххэ наада — «Строймонтаж-2002» ХЭТ бары объектарын, этэргэ дылы, күлүүскэ дылы — акылаата түһүөҕүттэн олохтоохтор күлүүһүн тутуохтарыгар диэри тутан таһаарар. Строймонтаж-2002» ХЭТ туппут дьилэригэр квартира атыыласпыт дьон этэллэринэн, бу дьиэлэр олорорго олус табыгастаахтар. Туох даҕаны омуннаан этиитэ суох. Итинтэн киһи соһуйбат, тэрилтэ дьиэ тутарыгар саҥа саамай хаачыстыбалаах матырыйааллары туттар. Ону таһынан хампаанньаҕа тутуу хас биирдии түһүмэҕэр хаачыстыбаны хонтуоллуур система күүскэ үлэлиир. Ити барыта түмүллэн аныгы, бары ирдэбилгэ эппиэттиир олорор дьиэлэри тутан таһаарары мэктиэлиир.

Итинэн муҥурдаммат

Ону таһынан «Строймонтаж-2002» ХЭТ коллектива Саха республикатын араас муннугар тутуулары ыытар. Олортон сорохторо бу:

  • Мирнэй куоракка 71 квартиралаах олорор дьиэ;
  • Эдьигээн сэлиэнньэтигэр 32 квартиралаах олорор дьиэ;
  • Мирнэй куоракка 25 квартиралаах олорор дьиэ ;
  • Витим бөһүөлэгэр 48 квартиралаах олорор дьиэ;
  • Чокурдаах бөһүөлэгэр 38 квартиралаах олорор дьиэ;
  • Мирнэй куорат соҕуруулуу-илиҥҥи микрооройуонугар 35 квартиралаах олорор дьиэ;
  • Айхал бөһүөлэгэр 22 квартиралаах олорор дьиэ…

«Строймонтаж-2002» ХЭТ Саха сирин хас да оройуоунгар туппут дьиэлэрин бартын ситэ ааттаабатыбыт. Холобур, Мирнэйгэ бүтүн олорор массивтары тутуу ыытылла турар. Манна хампаанньа 102, 170 уонна 197 квартиралардаах тутуу комплекстардаах бүтүн 14-с микрооройуону тутар. Өссө бэлиэтиэххэ наада. «Строймонтаж-2002» ХЭТ хампаанньа араас бырайыактары олоххо киллэриигэ эмиэ үлэлэһэр. Оҥорон таһаарыы эйгэтин эдэр специалистарын дьиэнэн хааччыйыы, бюджетниктарга квартиралар, хаарбах уонна аварийнай туруктаах дьиэлэргэ олорор дьону көһөрүү программата онтон да атын социальнай суолталаах хайысхалаах бырайыактары өйүүр. Өссө сорох тутуулары хампаанньа бэйэтин үбүгэр тутан таһаарар. Ол эрэ кэнниттэн бу дьиэлэргэ государственнай структуралар квартиралары сакаастаабыттара. Онон «Строймонтаж- 2002» ХЭТ промышленнай уонна үп-харчы өттүнэн кыаҕар киһи хайдах да саарбахтаабат.

Ситиһии кистэлэҥэ

Түмүктээн эттэххэ, «Строймонтаж-2002» ХЭТ атын тэрилтэлэртэн туох ордуктааҕый? Хоруй судургу. Тэрилтэ репутациятынан күүстээх. Бары эбэһээтилистибэтин кэмигэр сөптөөхтүк толорор аныгы уонна эрэллээх партнер буолар. Ол эрэн дьиҥэр хампаанньа ыраас репутацията балысхан опыкка, аныгы техническэй хааччыллыыга уонна үрдүк таһымнаах специалистартан турар коллективка олоҕурар. Ити барыта тэрилтэ биографиятыгар сурулла сылдьар. Бу тэрилтэ бары саппаас кыаҕы табыгастаахтык туһанан тутуу объектарын хаачыстыбалаахтык тутан таһаарары хааччыйар. Ону таһынан тутууга уонна салайыы ситимигэр бастыҥ технологиялары туһаныы сөптөөх түмүктэри биэрэр. «Строймонтаж-2002» ХЭТ Саха Республикатыгар тутуу ырыынагын лидердэриттэн биирдэстэрэ буолар. Маннык сыанабылы кытта сакаасчыктар даҕаны, дьыалабыай партнердар да сөпсөһөллөр. Эбэн эттэххэ, «Строймонтаж-2002» ХЭТ тутуу үлэтин толору комплексын ыытарга сертификаттардаах уонна көҥүллэрдээх. Онон хампаанньаны кытта ханнык баҕарар сакаасчык үлэлиэн сөп.

Однокомнатная квартира Продается однокомнатная квартира в Якутске
27,64 м2 за 1 919 321,60 руб.
Однокомнатная квартира Продается однокомнатная квартира по ипотеке
27,64 м2 за 1 919 321,60 руб.
Однокомнатная квартира Продается однокомнатная квартира от застройщика
27,64 м2 за 1 919 321,60 руб.
Двухкомнатная квартира Продается двухкомнатная квартира без отделки
58,71 м2 за 3 456 140,28 руб.
Однокомнатная квартира Продается однокомнатная квартира без посредников
39,63 м2 за 2 333 115,44 руб.
Двухкомнатная квартира Продается двухкомнатная квартира в Якутске
56,25 м2 за 3 311 325,00 руб.