Биһиэхэ эрийиҥ:
приемнай
43-82-44
атыы-эргиэн салаата
43-82-41
9:00
18:00
clock.png
ПН ВТ СР ЧТ ПТ
СБ ВС      
 
 г.ЯКУТСК , ул.ЧИРЯЕВА, 5/1

22 апреля 2017
«Ипотека уонна хамсаабат баай 2017» VII республикатааҕы анал дьаарбаҥка түмүктэрэ

2017 сыл муус устар 7 уонна 8 күннэригэр «Кыайыы 50 сыла» спорт Дыбарыаһыгар Дьокуускай куорат, Россия атын да куораттарын саамай аҕыйах этээстээх дьиэлэри эрэллээх уонна бөдөҥ тутааччылара мустаннар, куорат таһынааҕы дьиэлэри тутуу араас технологияларын билиһиннэрбиттэрэ.

Дьаарбаҥка аһыллыытын церемониятыгар быыстапка ыалдьыттарыгар уонна кыттааччыларыгар эҕэрдэ тыллары эппиттэрэ: Ипотекаҕа Кредиттээһин Киинин Генеральнай директорын э.т., Саха Республикатын Архитектура уонна тутуу комплексын министрин 1-ы солбуйааччыта Павел Аргунов, «Саха сирин тутааччыларын союһун» генеральнай директора Айхал Габышев, Нуучча православнай таҥара дьиэтин бэрэстэбиитэлэ - аҕабыт Александр Воронов уонна биллиилээх блоггер, волонтер, Ипотекаҕа Кредиттээһин Киинин үтүө санаа агена Антон Васильев.

Дьаарбаҥкаҕа барыта 1 300 киһи сырытта. Дьаарбаҥка үгүс кыттааччылаах уонна үтүө санаалаах эйгэҕэ ааспыта: кыттааччылар стендэлэргэ туран дьон-сэргэ ыйытыытыгар болҕомтолоохтук эппиэттээбиттэрэ. Ким даҕаны бэйэтин стендэтигэр дьону ыҥырара наадата суох этэ – төттөрүтүн сүүһүнэн ыйытыыга тэҥинэн эппиэттир уустук үөскээбитэ. Дьаарбаҥкаҕа кэлбит дьон-сэргэ настарыанньата эмиэ олус дьыалабыай этэ. Саха сирин олохтоохторо манна проблемаларын эрэ быһаара буолбакка, ыйытыыларга хоруй ылаары кэлбиттэрэ биллэр этэ. Дьаарбаҥка үлэтин түмүгэр Антон Васильев кэлбит дьон иннигэр Стрюкова Юлиана диэн ыарахан степеннээх ДЦП диагнозтаах кыра кыыска көмөтө оҥоруоҕуҥ диэн тыл көтөхпүтэ. Аһыныгас уонна үтүө санаалаах биир дойдулаахтарын көмөтүнэн Антон 12 300 солкуобайы хомуйан кыыс аҕатыгар туттарбыта. Ол кэнниттэн Ипотекаҕа Кредиттээһин Киин бириистэрин уонна «Строймонтаж 2002» хампаанньаттан 500 000 солкуобайы оонньотуу саҕаламмыта.

Дьаарбаҥкаҕа эр киһи ахсаана биллэрдик элбээбит. Ити биричиинэтинэн, арааһа, аҕыйах этээстээх дьиэлэри тутуу экспозициятыгар элбэх киһи сылдьыбыта буолуон сөп. Манна маастардар баҕалаахтарга чааһынай дьиэни тутуу, дизайн уонна тупсарана оҥоруу араас ымпыгын-чымпыгын көрдөрбүттэрэ. Дьаарбаҥканы тэрийээччилэр бэлиэтииллэринэн, аҕыйах этээстээх дьиэлэри тутуу кыттыгастара элбээбиттэр, онон бу хайысха нэһилиэнньэҕэ интэриэһинэй эбит.

«Ипотека уонна хамсаабат баай 2017» сааскы дьаарбаҥка экспозицията сааскылыы чаҕылхай буолла. Хас биирдии кыттааччы бэйэтин атыттартан уратытык уонна дорҕоонноохтук көрдөрө сатаата. Бу барыта кыттар хампаанньалар быыстапкаҕа эппиэтинэстээхтик сыһыаннаспыттарын, кэлбит дьоҥҥо болҕомтолоохтук сыһыаннаспыттарын туоһулуур. «Тутуу_якт» хампаанньа экспозицията ордук үчүгэйдик көстүбүтэ, кинилэр дизайнерскай өрөмүөннээх хоһу оҥорон көрдөрбүттэрэ.

Дьаарбаҥка бүтэһик күнэ оонньотуунан түмүктэммитэ. Ипотекаҕа Кредиттээһин Киинэ дьиэҕэ-уокка туттуллар араас эгэлгэ бириистэри туруорбута – дьиэҕэ туттуллар бытовой техника уонна үгэс курдук: сертификаттаах саха бриллиана. ЯкутЭнергоСтрой хампаанньаларын бөлөҕүн сүрүн бирииһин – гаастаах уонна уоттаах сир учаастагын Турантаев Альберт Григорьевич сүүйэн ылан үөрдэ-көттө. Саамай интэриэһинэйэ диэн, кини дьаарбаҥкаҕа куорат таһынааҕы дьиэ туттар уонна сир учаастагын атыылаһар сыаллаах кэлбит. Кыайыылаахха сир учасстагар сертификаты ЯкутЭнергоСтрой ХБ генеральнай директора Сивцев Сергей Сидорович туттарбыта. Оонньотуу иннинэ волонтер, доброволец, «Үтүө санаа Чорооно» аһымал акция тэрийээччитэ уонна салайааччыта Антон Васильев Алеша Еремеевка көмө харчы хомуйбута. Бу күн хомуллубут суумма - 9 850 солкуобай. Бу харчы Алешаҕа Новосибирскай куоракка бу сайын былааннаммыт эмтэнии курсун барарыгар көмө буолуоҕа. Тэрийээччилэр Алешаҕа харчы хомуйуутугар көмөлөспүт дьоҥҥо махталларын тиэрдэллэр.

Дьаарбаҥка бэлиэ түгэннэрэ: «Куорат таһынааҕы хамсаабат баай салона» экспозиция улаатан иһэр. Бэлэм дьиэ комплектар (домокомплекты), уонна дьиэ туттарга наадалаах бары тэрил – итиннэ дьон-сэргэ интэриэһэ улаатан иһэр.

Дизайҥҥа уонна интерьергэ аналлаах туспа секция баар буолбут. Тэрийээччилэр инникитин бу хайысха туспа экспозиция буолуо диэн эрэнэллэр. Кыраныысса таһыгар хамсаабат баайынан дьарыктанар хамппаанньалар «Ипотека уонна хамсаабат баай» дьаарбаҥкаҕа үлэлэрин салгыы сайыннараллар. Дьоннор Болгарияҕа хамсаабат баай атыылаһаллар.

Кэнники икки сыл итинник суох этэ, ол иһин биһиги европатааҕы партнердарбыт саха дьонун-сэргэтин интэриэһин үрдүк өрө көтөҕүүлээхтик ылыналлар.

Аныгыскы дьаарбаҥка саҥа боппуруостар

мунньуллубуттарын, саҥа атыылаһааччылар баар буолбуттарын кэннэ балаҕан ыйыгар

ыытыллыаҕа.

Дьаһал араас сыыппаралара

«Ипотека уонна хамсаабат баай» дьаарбаҥкаҕа барыта 40 тахса хампаанньа кытынна. Дьаарбаҥканы икки күн устатат 1 300 Дьокуускай куорат олохтоохторо уонна ыалдьыттара сырыттылар, 1 769 консультация ыытыллынна, 139 квартира уурдарыллынна, чааһынай дьиэни тутарга 114 сайаапака киирдэ, онтон СИП технологиянан тутууга 60 сайаапка. Тутууга уонна квартира атыылаһыытыгар ууруллубут уопсай суумма 465 276 000 мөл. солкуобайга тэҥнэстэ.

Двухкомнатная квартира Продается двухкомнатная квартира без посредников
61,20 м2 за 3 602 721,60 руб.
Однокомнатная квартира Продается однокомнатная квартира в новостройке
28,30 м2 за 1 961 222,40 руб.
Двухкомнатная квартира Продается двухкомнатная квартира без отделки
58,71 м2 за 3 456 140,28 руб.
Однокомнатная квартира Продается однокомнатная квартира без отделки
28,30 м2 за 1 961 222,40 руб.
Двухкомнатная квартира Продается двухкомнатная квартира от застройщика
60,75 м2 за 3 576 231,00 руб.
Двухкомнатная квартира Продается двухкомнатная квартира по ипотеке
58,71 м2 за 3 456 140,28 руб.